Республика баш ҡалаһында «Шәжәрә байрамы» конкурсы үтте

Арина Рәхимҡолова

Өфөлә балалар һәм үҫмерҙәр араһында «Шәжәрә байрамы» конкурсы үтте. Уны Өфө хакимиәтенең Мәҙәниәт һәм сәнғәт буйынса идаралығы, ҡаланың Орджоникидзе районы хакимиәте, райондың Башҡорттар ҡоролтайы башҡарма комитеты ойошторҙо. Конкурстың маҡсаты – Башҡортостан халыҡтарының милли традицияларын һаҡлау, пропагандалау һәм үҫтереү, шулай уҡ милли үҙаңды үҫтереү, үҙеңдең бәләкәй ватаныңа ватансылыҡ мөнәсәбәте тәрбиәләү.

Баш ҡаланың Орджоникидзе районында «Шәжәрә байрамы» беренсе йыл ғына үткәрелмәй, унда үҙ ғаилә шәжәрәләре менән башҡорттар вәкилдәре генә түгел, башҡа милләттәр ҙә ҡатнаша.

Конкурс ике этапта үтте. Ситтән һайлап алыу туры райондың барлыҡ белем биреү, шул иҫәптән, башланғыс һәм урта профессиональ белем биреү учреждениеларында һәм үҫмерҙәр клубында уҙҙы. Уның йомғаҡтары буйынса финалсылар билдәләнде, тап улар үҙҙәренең ырыу тарихын «Новатор» Балалар ижады йортонда тәҡдим итте.

Билдәле фольклорсы һәм йырсы, Башҡортостан Республикаһының Башҡорт ҡатын-ҡыҙҙары йәмғиәте рәйесе Розалия Солтангәрәева байрамдың абруйлы ҡунағы булды. Уның әйтеүенсә, хәҙерге әхләҡи һәм рухи кризис осоронда бындай саралар үткәреү бик мөһим. Ойоштороусыларҙың, тәү сиратта Орджоникидзе районының Башҡорттар ҡоролтайы башҡарма комитеты рәйесе Мәрфүғә Мостафинаның, аҡыллы эш итеүе һөҙөмтәһендә шәжәрә байрамы йәнле, ихлас килеп сыҡты.

Конкурста ҡатнашыусыларҙың эштәре менән жюри ағзалары танышты. Һәр ҡатнашыусы үҙенең ата-бабалары, ғаилә йолалары тураһында һөйләне, фотографиялар һәм ғаилә ҡомартҡыларын күрһәтте.

Конкурс йомғаҡтары буйынса төрлө номинацияларҙа еңеүселәр билдәләнде. Шәжәрәне ентекле өйрәнгәне өсөн Резеда Дәүләтйәнова (155-се һөнәри лицей) бүләкләнде. Ғаилә йолаларын һаҡлаған һәм үҫтергән өсөн – Айгөл Нафиҡова (26-сы балалар баҡсаһы), иң тәрән тамырлы шәжәрә өсөн – Илсур Әминев (Өфө яғыулыҡ-энергетика колледжы).

Шәжәрәне үҙенсәлекле биҙәгән һәм ижади ҡараш өсөн награданы – Дилара Ханмырҙина (27-се балалар баҡсаһы), шәжәрәне төҙөгәндә ғаилә ҡомартҡыларын ҡулланған өсөн Терещенко ғаиләһе («Диалог» балалар, үҫмерҙәр һәм йәштәр өсөн клубтар берләшмәһе) алды.

Еңеүселәрҙе Мәҙәниәт һәм халыҡ ижады үҙәге, «Новатор» Балалар ижады йорто, Өфө яғыулыҡ-энергетика колледжы һәм «Дуҫлыҡ» Мәҙәниәт һарайы (Иҫке Турбаслы ҡасабаһы) ижади коллективтары әҙерләгән тантаналы концерт барышында бүләкләнеләр, тип хәбәр иттеләр Өфө хакимиәтенең матбуғат хеҙмәтендә.

#шәжәрә байрамы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.