Башҡортостандың Халыҡ шағиры Тимер Йосоповтың ижад кисәһе үткәрелә

Эльмира Сабирова

Башҡортостан Республикаһының халыҡ шағиры Тимер Йосоповтың 75 йәшенә арналған ижад кисәһе Фәйзи Ғәскәров исемендәге Дәүләт академия халыҡ бейеүҙәре ансамбленең концерт залында йома, 15 ноябрҙә, уҙасаҡ, тип хәбәр иттеләр БР Мәҙәниәт министрлығының матбуғат хеҙмәтенән.

Тимер Йосопов Дыуан районының Әпсәләм ауылында тыуған. Башҡорт дәүләт университетын тамамлағандан һуң мәктәптә, гәзит редакцияһында, республиканың Яҙыусылар союзында эшләй. Мәскәүҙә Юғары әҙәбиәт курстарын тамамлай.

Тимер Йосоповтың әүҙем ижад эшмәкәрлеге 1960 йылдарға ҡарай. Беренсе «Икмәк еҫе»(1968 йыл) шиғырҙар йыйынтығында шағир һуғыш ауырлыҡтарын ғорур еңеп сығыусы тотош бер быуындың яҙмышын сағылдыра. Уның шиғырҙарында ваҡыттар бәйләнеше асыла, Башҡортостандың киң образы үткән, хәҙерге һәм киләсәк дәүерҙәрҙең диалектик берҙәмлегендә күҙ алдына баҫа.

Тимер Йосопов үҙенең поэмаларында йыш ҡына тарихи тематикаға мөрәжәғәт итә. Уларҙа автор фольклор традицияларын дауам итә, ҡобайыр шиғриәтен киң ҡуллана.

Шағирҙың әҫәрҙәрендә шәхестең яуаплылығы тураһында уйланыуҙар, туған тел һәм тыуған тәбиғәт яҙмышы өсөн боролоу үҙәк урынды биләй. Тимер Йосоповтоң гражданлыҡ әүҙемлеге уның публицистик сығыштарында ла сағыла.

Тимер Йосопов – 15 шиғырҙар һәм поэмалар китаптары авторы, Салауат Юлаев исемендәге БР Дәүләт премияһы лауреаты (1998 йыл), Башҡортостандың Халыҡ шағиры (2003 йыл).

Ижад кисәһе 19 сәғәттә башлана.

#ижади кисә #тимер йосопов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.