«Башҡортостан» киностудияһы фильмдары «АгроСвит-2013» телефестивалендә билдәләнде

Эльмира Сабирова

«АгроСвит-2013» XX халыҡ-ара ауыл хужалығы программалары телефестивале йомғаҡтары буйынса «Башҡортостан» киностудияһының оҙон көйҙәрҙе бик үҙенсәлекле башҡарыусы Абдулла Солтанов тураһында «Күңелдән сыҡҡан йыр» документаль фильмы (режиссеры Радик Килмәмәтов, сценарий авторы — Мәүлит Ямалетдинов) икенсе урынды яуланы, ә төп герой жюри ҡарары буйынса махсус диплом менән билдәләнде. Тағы бер диплом менән ҡарт солоҡсо Әнүәр Дилмөхәмәтов — йәш режиссер Айнур Асҡаровтың «Әсе бал» документаль-уйын фильмынан (сценарий авторҙары — Шәүрә Шәкүрова, Айнур Асҡаров) төп герой – наградланды.

БР Мәҙәниәт министрлығынан хәбәр итеүҙәренсә, фестиваль Украинаның Хмельницкий өлкәһе Каменец-Подольский ҡалаһында үтте.

—Телевизион формат булыуға ҡарамаҫтан, Евразия Телевидение һәм радио академияһы директоры Лина Богатырь «Башҡортостан» киностудияһын да фестивалдә ҡатнашырға саҡырҙы, ул 2012-2013 йылдарҙа төшөрөлгән дүрт фильм тәҡдим итте, — тип һөйләне БР Мәҙәниәт министрлығының матбуғат секретары Ләйлә Ишморатова.

Үрҙә телгә алынған ике фильмдан тыш, фильм-портреттар күрһәтелде, уларҙы төшөрөү киностудияның өҫтөнлөклө йүнәлештәренең береһе булып тора: йәш режиссер Роман Пожидаевтың Ейәнсура районынан көтөүсе, ҙур ғаилә башлығы Хөсәйен Ҡолмөхәмәтов тураһында «Ер кешеһе» (сценарий авторы — Зөһрә Бураҡаева) һәм режиссер Мәрйәм Закирйәнованың Йылайыр районынан республикала билдәле имам-хатиб Нуретдин Игебаев тураһында «Фатиха» (сценарий авторҙары — Мәрйәм Закирйәнова, Мәғәфүр Тимербулатов) фильмдары. Уларҙың продюсеры —«Башҡортостан» киностудияһы директоры Азамат Хужахмәтов.

#телефестиваль #фильмдар #наградлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.