Среда, 15 Апреля 2026
|
Уфа
+12 °С
09:59 (UTC+5), 28 Июня 2013
Рөстәм Хәмитов Константин Хабенский һәм Тимур Бекмамбетов менән осрашты
Эльмира Сабирова
28 июндә Башҡортостан Президенты Рөстәм Хәмитов билдәле театр һәм кино актеры Константин Хабенский һәм кинорежиссер, сценарист һәм продюсер Тимур Бекмамбетов менән осрашыу үткәрҙе. Һүҙ Өфөлә барған «Оперение-2013» бөтә Рәсәй фестивале һәм артабан хеҙмәттәшлек итеү мөмкинлектәре хаҡында барҙы.
Рөстәм Хәмитов ойоштороусыларға Өфөлә шундай ҡыҙыҡлы фестиваль үткәргәндәре өсөн рәхмәт әйтте.
— Һеҙ яҡшы, изге эш башҡараһығыҙ, - тип һыҙыҡ өҫтөнә алды Президент. – Унан да бигерәк, эшмәкәрлек даирәһен бермә-бер киңәйтәһегеҙ, күберәк балаларҙы, шул иҫәптән һаулыҡ мөмкинлектәре сикләнгән үҫмерҙәрҙе йәлеп итәһегеҙ.
Константин Хабенский билдәләүенсә, ижад өлкәһендә сикләүҙәр юҡ һәм булырға тейеш түгел.
— Быйыл фестивалде һеҙҙә үткәреүебеҙгә шатмын. Ул бик сағыу килеп сыҡты, шулай уҡ фильм төшөрөү кеүек көтөлмәгән сюрприздар ҙа булды. Хәҙер инде киләһе фестиваль ошо кимәлдән түбән үтергә тейеш түгел, - тип билдәләне актер.
Осрашыуҙа шулай уҡ Өфөлә дөйөм ҡала кимәлендә йәнә бер ижади үҫеш студияһын асыу тураһында һүҙ барҙы. Иҫегеҙгә төшөрәбеҙ, тәүге студия 2011 йылда баш ҡаланың 49-сы мәктәбендә асылғайны.
— Бөгөнгө көндә унда 70-кә яҡын бала шөғөлләнә. Әммә ағымдағы йылдың көҙөндә, дөйөм ҡала студияһы асылғас, балалар һаны биш тапҡырға артасаҡ. Һайлап алыу туры ла ойоштороласаҡ, - тип һөйләне Президентҡа Константин Хабенский.
Студияла шөғөлләнеүселәр тураһында һүҙ йөрөтөп, актер балаларҙы айырып ҡарамауын белдерҙе.
— Барыһына ла төрлө талаптар ҡуям, - тип аңлатты актер. – Әммә балаларҙың яҡшы яҡҡа үҙгәреүе хаҡында әйтмәй ҡалдыра алмайым. Үткән йылдар менән, беҙҙең тәүге фестиваль менән сағыштырғанда, был бөтөнләй икенсе кимәл.
«Оперение-2013» фестивале «Елки-3» киноһының аҙаҡҡы өлөшөн төшөрөү менән тура килде. Кинорежиссер Тимур Бекмамбетов көн элгәре «Башҡортостан» сауҙа үҙәге алдындағы майҙанда әлеге комедияның аҙаҡҡы өлөшөн төшөрҙө һәм бөгөн был хаҡта үҙенең тәьҫораттары менән бүлеште.
Йола буйынса, «Елки-3» киноһын тамашасылар декабрҙә ҡарай аласаҡ.
1 из 8
© 1992-2026 АО ИА «Башинформ».
www.bashinform.ru
www.bashinform.ru
Эл. почта
inf@bashinform.ru
Адрес
450077, Уфа, Кирова, 45
Рекламная служба
(347) 250-11-11
Редакция
(347) 250-07-28
Приемная
(347) 250-05-07
Сотрудничество
(347) 250-06-14
Отдел кадров
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».