Башҡортостан делегацияһы Санкт-Петербургта Халыҡ-ара һабантуйҙа ҡатнашты

Алик Шакиров

23 июндә Ленинград өлкәһендә «Петербург һабантуйы» байрамы үтте. Унда Башҡортостан делегацияһы ла ҡатнашты. Делегацияны БР Дәүләт Йыйылышы – Ҡоролтай рәйесе урынбаҫары Рафаил Зиннуров етәкләне.

Ойоштороу комитеты ҡарары буйынса, быйыл Петербург һабантуйына халыҡ-ара статусы бирелде. Тәүгә был сараға Ленинград өлкәһе һәм Санкт-Петербург ҡалаһының барлыҡ башҡорт һәм татар милли-мәҙәни берләшмәләре вәкилдәре, Польша, Украина, Швеция, Финляндия, Төркиә, Төркмәнстан, Ҡаҙағстан, Үзбәкстан, Тажикстан һәм Ҡырғыҙстандан ҡунаҡтар йыйылды.

Башҡортостан Республикаһы исеменән байрамда Учалы районы сығыш яһаны. Учалы филармонияһы артистары ҡунаҡтарҙы йыр-бейеүҙәр менән ҡаршыланы. Бынан тыш, байрамда «Далан» эстрада төркөмө, БР М.Кәрим исемендәге Милли йәштәр театры артистары Искәндәр Ғәзизов, Рөстәм Ғизәтуллин сығыш яһаны.

Сараны асыу тантанаһында ҡунаҡтарҙы Ленинград өлкәһе губернаторы Александр Дрозденко сәләмләне. Ул байрамдың Бөтә донъя йәйге универсиадаһы алдынан үткәрелеүен, Ҡазанға ҙур яуаплылыҡ йөкмәтелеүен билдәләне һәм ярыштарҙы үткәреүҙә ҡалаға уңыштар теләне. Ленинград өлкәһенә ижади коллективтар һәм делегациялар ебәреп, милли байрамды үткәреүҙә ярҙам күрһәткәндәре өсөн Башҡортостан Һәм Татарстан республикаларына рәхмәт белдерҙе. «Беҙҙең өсөн иң мөһиме – халыҡтар дуҫлығы, шуға күрә Һабантуйҙы башҡорт һәм татар халыҡтарының ғына түгел, ә бөтә Ленинград өлкәһенең байрамы итеп ҡабул итәбеҙ», — тип һыҙыҡ өҫтөнә алды Александр Дрозденко.

БР Дәүләт Йыйылышы вице-спикеры Рафаил Зиннуров республика Президенты Рөстәм Хәмитовтың сәләмләү хатын уҡып ишеттерҙе.

Байрам ҡунаҡтарын шулай уҡ Татарстандың Дәүләт Советы рәйесе Фәрит Мөхәмәтшин һәм Санкт-Петербург Хөкүмәтенең Мәҙәниәт буйынса комитеты рәйесе Василий Панкратов сәләмләне.

Һабантуй сиктәрендә хөрмәтле ҡунаҡтар татар һәм башҡорт этнофольклор ауылдарында булды, ижади коллективтарҙың сығыштарын, милли көрәш бәйгеһен ҡараны. Петербург һабантуйының абсолют батырына Фәрит Мөхәмәтшин Татарстан Президенты исеменән яңы «Лада Калина»нан асҡыстар тапшырҙы. Майҙанда милли уйындар, ярыштар ойошторолдо. Байрам ҡунаҡтары милли ризыҡтарҙан ауыҙ итте, иҫтәлеккә сувенирҙар һатып алды.

Башҡортостан делегацияһы составында һабан байрамында шулай уҡ Башҡортостан Республикаһының Санкт-Петербургтағы вәкиле Риф Сәхәбетдинов, БР Мәҙәниәт министрлығының мәҙәни-күңел асыу эшмәкәрлеге бүлеге начальнигы Алһыу Сирғәлина, Учалы районы хакимиәте башлығы урынбаҫары Зөһрә Гордиенко, БР Милли йәштәр театры директоры Геннадий Мокшаев һәм башҡа рәсми кешеләр ҡатнашты, тип хәбәр иттеләр төбәктең Мәҙәниәт министрлығынан.

#һабантуй-2013

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.