Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Мәҙәниәт
10 Июнь 2013, 17:14

Күмертауҙа Ҡала көнө үтте

Үткән ял көндәрендә Күмертау үҙенең 60 йыллығын билдәләне. Ҡала көнө Советтар майҙанында ойошторолдо. Унда ҡала халҡы һәм ҡунаҡтары өсөн төрлө саралар үткәрелде. Балалар һәм өлкәндәр өсөн айырым майҙансыҡтар ойошторолдо, «Халыҡ музейы» һәм «Халыҡ вернисажы» социаль проекттары тәҡдим ителде.
Ҡала көнө сиктәрендә Күмертауҙың 1-се гимназияһына Советтар Союзы Геройы Николай Тимофеевич Антошкин исемен биреү тантанаһы үтте.
Ҡаланы социаль-иҡтисади йәһәттән үҫтереүгә өлөш индергән лайыҡлы граждандар ҡала округының Почет грамоталары менән наградланды.
Байрам ҡунаҡтары өсөн шулай уҡ киске программа ойошторолдо. Уның сиктәрендә ҡаланың иң яҡшы ижади коллективтары һәм махсус саҡырылған эстрада төркөмдәре сығыш яһаны. Йола буйынса, байрам салют менән тамамланды, тип хәбәр иттеләр Күмертау хакимиәтенең мәғлүмәт-аналитика бүлегенән.
Автор:Людмила Терновая
Читайте нас: