80.23
+1.16
Башҡортостан һәм Өфө яңылыҡтары
91.98
+0.6
62.51
+0.52
0 °C
Болотло
Бөтә яңылыҡтар
Мәҙәниәт
22 Май 2013, 17:01
«Алтынай» балалар театр студияһы халыҡ-ара фестиваль лауреаты булды
«Алтынай» башҡорт балалар театр студияһы Мәскәүҙә үткән XV «Русская драма» халыҡ-ара мәктәп театрҙары фестивалендә уңышлы сығыш яһаны.
Ижади коллектив фестивалдә балалар яҙыусыһы Рәсимә Ураҡсинаның китабы буйынса «Йомро-йомро йомғағым» постановкаһын тәҡдим итте. Бәйге йомғаҡтары буйынса «Алтынай» студияһы «Әкиәт» номинацияһында беренсе дәрәжә лауреат булды.
Шулай уҡ режиссер Альмира Кирәеваның эше юғары баһаланды. Уға «Театр педагогикаһы өлкәһендә һөҙөмтәле эшмәкәрлек өсөн» дипломы тапшырылды, тип хәбәр иттеләр БР Мәҙәниәт министрлығының матбуғат хеҙмәтенән.
Йәш артистарҙың уйыны ла жюри ағзаларының иғтибарынан ситтә ҡалманы. «Фестиваль дуэты» номинацияһында - Гөлбикә һәм Миңлебикә ролдәрен башҡарғандары өсөн Диана Кучукова һәм Айлина Мөхәмәтйәнова, «Танымаҫһың да!» номинацияһында - Убырлы ҡарсыҡ роле өсөн Азалия Солтанова, «Кешенең тоғро дуҫына» номинацияһында Эт роле өсөн Ильяс Аслаев наградланды.
Фестиваль номинацияларында еңеүселәр «Мәғариф» өҫтөнлөклө милли проекты сиктәрендә һәләтле йәштәргә дәүләт ярҙамы күрһәтеү йәһәтенән премия алыуға кандидат итеп тәҡдим ителәсәк.
Конкурста ҡатнашыусыларға яҙыусылар, режиссерҙар, тәнҡитселәр, артистар, йәмәғәт эшмәкәрҙәре баһа бирҙе. Ирекле үҫмерҙәр һәм балалар жюрийы составына фестивалдә ҡатнашҡан һәр театр коллективынан икешәр вәкил индерелде.
«Русская драма» халыҡ-ара мәктәп театрҙары фестивале 1999 йылдан башлап үтәрелә. Был ваҡыт эсендә унда Рәсәйҙең 1600-ҙән ашыу театр коллективы ҡатнашты.
Быйылғы фестиваль рус театр режиссеры, актер һәм педагог Константин Станиславскийға арналды. 2013 йылда уның тыуыуына 150 йыл тулыу билдәләнә.
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».