Башҡортостан Президенты «Музейҙар төнө» халыҡ-ара акцияһында ҡатнашты

"Башинформ"

Башҡортостан Президенты Рөстәм Хәмитов «Музейҙар төнө» халыҡ-ара акцияһы сиктәрендә С.Т.Аксаков мемориаль йорт-музейында, БР Милли музейында, Санкт-Петербургтағы Рус музейының виртуаль филиалында, «Мираҫ» галереяһында булды.

Шулай итеп, Башҡортостан Республикаһының Милли музейында Өфөнөң иң ҡыҙыҡлы музейҙары үҙ экспонаттарын тәҡдим итте. Улар араһында - Милли банк музейы, йылҡысылыҡ музейы, «Оҫталар ҡалаһы», «Интеллектус» музейы, Ботаника баҡсаһы. «Музейҙар төнө» сиктәрендә шулай уҡ балалар өсөн үҙенсәлекле уйын майҙансыҡтары ойошторолдо.

БР Милли музейы директоры Ғәли Вәлиуллин һүҙҙәренсә, бындай акция музейҙарға һәм галереяларға үҙ мөмкинлектәрен күрһәтергә, уларға йәмәғәтселек иғтибарын йәлеп итергә, йәштәрҙә музейҙарға ҡарата ҡыҙыҡһыныу уятырға мөмкинлек бирә.

С.Т.Аксаков мемориаль йорт-музейында Рөстәм Хәмитов әҙәбиәт һәм күргәҙмә залдарында урынлашҡан экспозициялар менән танышты, шулай уҡ рәссам, «Илһам» ижади берләшмәһе етәксеһе Наталья Якунина менән ойошторолған «Тылсымлы төштәр» ҡул эштәре күргәҙмәһен ҡараны. Президент иғтибарын айырыуса RA дуэтының (Рузанна Орленко һәм Айрат Яҡупов) ҡурсаҡтар коллекцияһы йәлеп итте. Рөстәм Хәмитов бындай ҡурсаҡтарҙы һатыр өсөн махсус магазин булдырыу кәрәклеген билдәләне.

Санкт-Петербургтағы Рус музейының Өфө дәүләт сәнғәт академияһында урынлашҡан виртуаль филиалында Башҡортостан Президенты мультмедиа кинотеатрында булды, юғары уҡыу йорто етәкселеге һәм студенттары менән аралашты. Өфөнөң «Мираҫ» сәнғәт галереяһында республика етәксеһе РФ Рәссамдар союзы ағзаһы Рафаил Бураҡановтың шәхси күргәҙмәһе менән танышты.

1 из 8

#бр президенты #музейҙар төнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.