Яҡташыбыҙ МХО-ға 3D-принтерҙа баҫылған ҡурайҙар ебәргән
Өфө ирекмәне Илшат Әхмәтов махсус хәрби операция зонаһына 3D-принтерҙа баҫылған ҡурайҙар ебәргән. Посылканы ул республиканың Ғәҙәттән тыш хәлдәр буйынса дәүләт комитеты рәйесе Кирилл Первов аша тапшырған.
Белеме буйынса Илшат – иҫәпләү машиналары инженеры һәм иҡтисадсы. Яңы йыл байрамдарында ул программала «эскиз» һыҙған һәм бер нисә сәғәттән ысын ҡурайҙы ҡулына алған. Принтерҙа баҫылған тәүге уйын ҡоралы уның дуҫы, ҡурайсы Арыҫлан Оморҙаҡовтың да күңеленә ятҡан. Пластиктан яһалған инструменттың яңғырашы һәм уңайлы булыуы оҡшаған уға.
«Музыканттарҙың бер проблемаһы бар. Йыш ҡына ағас ҡурайҙы аэропортта үткәрмәйҙәр, инструмент һыуҙан «ҡурҡа». Шул саҡта ул миңә ошо шөғөлдө үҫтерергә кәңәш бирҙе», – тип һөйләгәйне Илшат «Башинформ» агентлығына.
Баҫылған ҡурай еңел генә, өс өлөштән тора, уны тышлыҡҡа һалып ҡуйырға мөмкин. Дуҫынан тыш, үҙенсәлекле ҡурайҙы Башҡортостан Республикаһының Милли халыҡ уйын ҡоралдары оркестры музыканттары һынап ҡараған.
«Беҙ ҡурайҙарҙы 177-се гуманитар ылау менән ебәрәбеҙ һәм уларҙы Башҡортостан полкының исемле батальонына тапшырабыҙ. Матди ярҙамдан тыш, яҡташтарыбыҙҙы рухи яҡтан да дәртләндереү мөһим. Алғы һыҙыҡта төрлө уйын ҡоралдарында уйнаған һәм йырлаған һәләтле егеттәр күп. Еңеү көнөндә үк яугирҙәр яратҡан көйҙәрен уйнай ала», – тине Ғәҙәттән тыш хәлдәр буйынса дәүләт комитеты рәйесе Кирилл Первов.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.