«Балтас марафоны» еңеүсеһе – 62 йәшлек спортсы!

Ошо көндәрҙә «Балтас марафоны» еңел атлетика буйынса өсөнсө республика марафоны үткән. Балтас районы Иҫке Балтас ауылында йүгереү һәм сәләмәт йәшәү рәүешен яратыусылар йыйылған.

Был көндә термометр бағанаһы 30 градус билдәһен үткән. Әммә ярышта ҡатнашыусылар өсөн эҫе кәртә булып тормаған һәм һәр кем марафон дистанцияһын йүгереп үткән.

Өс йыл элек башланған ярышта ҡатнашыусылар һаны арта ғына бара. Быйыл марафон Башҡортостан спорт министрлығының 100 йыллығына һәм райондың 93 йыллығына арналған.

«Еңел атлетика спортында күнекмәләр мөһим роль уйнай. Әгәр бер аҙна йүгермәй торһаң, бындай ярыштарҙа яҡшы һөҙөмтәгә өлгәшә алмаясаҡһың. Мин, мәҫәлән, бер көн йүгерһәм, икенсеһендә ошо уҡ араны атлап үтәм», — тип уртаҡлашҡан марафон еңеүсеһе Винер Саҙретдинов.

https://www.bashinform.ru/news/sport/2023-08-17/v-bashkirii-v-baltachevskom-marafone-luchshim-begunom-stal-62-letniy-viner-sadretdinov-3391160

Авторы: Эдуард Ҡусҡарбәков