Юрий Шатуновтың 50 йыллығына мемориаль таҡтаташ асыласаҡ

6 сентябрҙә, «Ласковый май» төркөмөнөң ваҡытынан алда киткән легендар солисы Юрий Шатуновтың 50 йыллығы көнөндә, Башҡортостанда иҫтәлекле саралар уҙғарыласаҡ. Мәҫәлән, Күмертауҙа буласаҡ артист уҡыған мәктәп-интернат бинаһында мемориаль таҡтаташ асыла. Хәҙер уҡыу йорто Башҡортостан Республикаһының беренсе Президенты Мортаза Ғөбәйҙулла улы Рәхимов исемендәге 3-сө республика гимназия-интернаты тип атала.

– Юрий Шатунов бында 1982 йылдан 1984 йылға тиклем уҡый. Ул саҡта уҡыу йорто Ю. Гагарин исемендәге 2-се мәктәп-интернаты тип атала. Гимназиябыҙ бинаһына мемориаль таҡтаташ ҡуйыу инициативаһы менән беҙгә Мәскәүҙән йырсының фанаттары мөрәжәғәт итте. Мемориаль таҡтаташты Новосибирскиҙа эшләнеләр, - тип белдергән гимназия директоры Шайморат Тимербулатов. – Гимназияла портреты менән мөйөш һәм Шатунов исемендәге кабинет бар.

https://www.bashinform.ru/news/culture/2023-08-23/k-50-letiyu-yuriya-shatunova-v-bashkirii-otkroetsya-memorialnaya-doska-na-zdanii-shkoly-internata-3400000

Авторы: Ләйлә Аралбаева