Башҡортостан Башлығы Радий Хәбиров Мәҙәниәт министрлығына, Ғаилә, хеҙмәт һәм халыҡты социаль яҡлау министрлығына һәм Төҙөлөш һәм архитектура министрлығына тейешле йөкләмә бирҙе, тип хәбәр итә «Башинформ».
«Быйыл һаңғырауҙар мәҙәниәт йортон ремонтлауға тотонорға кәрәк. Улар күптән һорай – вәғәҙә иттем. Һаңғырауҙар федерацияһы әүҙем эшләй. Әйткәндәй, Бөтә Рәсәй һаңғырауҙар йәмғиәтенең Башҡортостандағы бүлексәһе етәксеһе Ольга Шевнина Бөтә Рәсәй һаңғырауҙар федерацияһы урынбаҫары итеп һайланды. Улар тыйнаҡ кешеләр, уларға ярҙам итергә кәрәк. Киләһе аҙнала миңә хәбәр итеүегеҙҙе һорайым», – тип белдерҙе Радий Хәбиров.
Авторы: Эдуард Ҡусҡарбәков